¶ The xj fable is of the enuyous dogge /
one ought not to haue enuye of
good of other / As it appiereth
by this fable / Of a dogge whiche
was enuyous / and that ſomtyme
was within a ſtable of oxen / the
whiche was ful of heye / This dogge kept the
oxen that they ſhold not entre in to theyr ſtable /
and that they ſhold not ete of the ſayd hey / And
thenne the oxen ſayd to hym / thow arte wel
peruers and euylle to haue enuye of the good /
the whiche is to vs nedefull and prouffitable /
and thow haſt of hit nought to doo / for thy
kynde is not to ete no hey / And thus he dyd of
a grete bone / the whiche he held at his mouthe /
and wold not leue hit by cauſe and for enuye of
another dogge / whiche was therby / And therfore
kepe the wel fro the company or felauſhip
of an enuyous body / For to haue to doo with
hym hit is moche peryllous and dyffycyle / As
to vs is wel ſhewen by Lucyfer