199
¶ The v fable is of the Foxe and of the buſſhe.
En ouȝt not to demaude ne aſke
help of them that ben more cuſtomed
to lette than to do good
or prouffit / as it appereth by this
fable of a fox which for to ſcape
the peril to be taken wente vpon a thorne
buſſhe / whiche hurted hym ſore / And wepynge
ſayd to the buſſhe / I am come as to my
refuge vnto the / and thow haſt hurted me vnto
the dethe / And thenne the buſhe ſayd to hym /
thow haſt erred / and wel thou haſt begyled
thy ſelf / For thow ſuppoſeſt to haue taken me
as thow arte cuſtommed to take chekyns and
hennes / ¶ And therfore men ought not to
helpe them whiche ben acuſtomed to doo euylle /
but men ought rather to lette them.