212
¶ The xv fable is of the flee and of the man.
E that dothe euyl / how be hit
that the euylle be not grete
men ought not to leue hym
vnpunyſſhed / As it appereth
by this fable / Of a man whiche
took a flee whiche bote hym / to whome the
man ſayd in this manere / Fle why byteſt thow
me / and leteſt me not ſlepe / and the flee
anſuerd It is my kynd to doo ſoo / wherfore
I praye the that thow wylt not put me to
dethe / And the man beganne to lawhe / &
ſayd to the flee / how be it / that thow mayſt
not hurte me ſore / Neuertheless / to the behoueth
not to prycke me / wherfore thow ſhalt
deye / For men ought not to leue none euyll
vnpunyſſhed how be hit that hit be not grete.
