¶ The vj fable is of the two dogges
E that taketh within hym ſelf vayne
glorye of that thynge / by the
whiche he ſhold humble hym ſelf
is a very fole / as hit appereth by
this fable / of a fader of famylle /
whiche had two dogges / of the whiche the one
withoute ony barkyng bote the folke / & the
other dyd barke and bote not / And whan the
fader of famyll perceyued the ſhrewdneſs and
malyce of the dogge that barkyd not he henge
on his nek a belle / to the ende that men ſhold
beware of hym / wherfore the dogge was ouer
prowd and fyers / and beganne to dyſpreyſe alle
the other dogges / of the whiche one of the mooſt
auncyent ſayd to hym in this manere / O fole
beeſt / now perceyue I wel thy foly and grete
wodeneſſe to ſuppoſe / that this belle is gyuen to
the for thyn owne deſerte and meryte / but certaynly
hit is not ſoo / For hit is taken to the for
thy demerytes / and by cauſe of thy ſhrewdneſſe /
and grete treaſon / for to ſhewe / that thow arte
fals and traytour / And therfore none oughte to
be Joyeful and gladde of that thynge / wherof
