take and put on hym a fayre mantel / and thus arayed came to the yate / ¶ And thenne whan the porter byheld hym / he perceyued that he was goglyed / and ſayd to hym pay me of my dewte / And the goglyed wold paye nought / whertore he toke from hym his mantel / And thenne he ſawe that he was crowkbacked and ſayd to hym / thow woldeſt not to fore paye a peny / but now thou ſhalte paye tweyne / ¶ And whyle that they ſtryued to gyder / the hat and the bonet felle from his hede to the erthe / And the porter whiche ſawe his ſcabbed hede / ſayd to hym / Now ſhalt thou paye to me thre pens / and thenne the porter yet ageyne ſetted his handes on hym / and felte / that his body was al ſcabbed / And as they were thus wraſtlynge to gyder / the crowkbacked fylle to the ground / and hurted hym ſelf ſore on the legge / And the porter ſayd thenne to hym / Now ſhalt thow paye v pens / For thy body is al counterfayted / wherfore thow ſhalt leue here thy mantele / And yf thou haddeſt payd a peny / thow haddeſt gone on thy waye free and quyte / wherfore he is wyſe that payeth that / that he oweth of ryght / to thende that therof come not to hym gretter dommage
Page:The fables of Aesop, as first printed by William Caxton in 1484, with those of Avian, Alfonso and Poggio. Vol 2.djvu/289
OF ALFONCE.
273
![](http://upload.wikimedia.org/wikipedia/commons/thumb/7/75/The_fables_of_Aesop%2C_as_first_printed_by_William_Caxton_in_1484%2C_with_those_of_Avian%2C_Alfonso_and_Poggio._Vol_2.djvu/page289-1024px-The_fables_of_Aesop%2C_as_first_printed_by_William_Caxton_in_1484%2C_with_those_of_Avian%2C_Alfonso_and_Poggio._Vol_2.djvu.jpg)