ſuppoſed to haue fledde aweye / but the Serpent with his wonder longe taylle enlaced her two hynder legges / And the Serpent thenne beganne to ſouke the Cow / And in dede ſoo moche / and ſoo longe he ſbuked tylle that he ſond ſomme mylke / ¶ And whanne the Cowe myght eſcape fro hym / ſhe fledde vnto the other kyne / ¶ And Incontynent her pappes and her behynder legges and all that the Serpent touched was all black a grete ſpace of tyme ¶ And ſoone after the ſayd Cowe maade a fayre calf / The whiche merueylle was announced or ſayd to the ſayd Pope he beynge atte Ferrare /
¶ And yet ageyne ſoone after that / ther was fond within a grete Ryuer a monſtre maryn / or of the ſee of the forme or lykneſſe whiche foloweth /
¶ Fyrſte he hadde from the nauylle vpward the ſymplytude or lykeneſſe of a man / And fro the nauylle dounward / he had the fourme or makynge of a Fyſſhe / the whiche parte was iumelle that is to wete double / ¶ Secondly he hadde a grete berd / and he hadde two wonder grete hornys aboue his eres / ¶ Alſo he hadde grete pappes / and a wonder grete and horryble mouthe / and his handes retched unto his entraylles or bowellys / And at the bothe his elbowes he hadde wynges lyght brode and grete