¶ The fourthe maketh mencyon of the ſowe and of the wulf
T is not good to byleue all ſuche
thynges as men may here / wherof
Eſope ſayeth ſuche a fable / Of a
wulf whiche came toward a ſowe
whiche wepte and made ſorowe
for the grete payne that ſhe felte / by cauſe she
wold make her young pygges / And the wulf
came to her ſayeng / My ſuſter make thy yonge
pygges ſurely / for ioyouſly and with good wylle /
I ſhalle helpe & ſerue the / And the ſowe ſayd
thenne to hym / go forth on thy waye / for I
haue no nede ne myſter of ſuche a ſeruaunt / For
as longe as thow ſhalt ſtonde here I ſhal not
delyuere me of my charge / For other thyng
thou deſyreſt not / than to haue and ete them /
The wulf then wente / and the ſowe was anone
delyuerd of her pygges/ For yf ſhe had byleuyd
hym ſhe had done a ſorowful byrthe / And thus
he that folyſſhly byleueth it happeth to hym