Page:The fables of Aesop, as first printed by William Caxton in 1484, with those of Avian, Alfonso and Poggio. Vol 2.djvu/79

 

with a nydle ſubtylly drewe oute of his foote the thorne / and had oute of the wound alle the roten fleſlhe / and enoynted hit with ſwete oynements /  ¶ And anone the lyon was hole / And for to haue rendryd graces and thankys to the ſhepherd or paſtour the lyon kyſſed his handes / And after he retorned ageyn in to the hyeſt of the woode / And within a lytel whyle after it happed that this lyon was taken and conueyed to the Cyte of Rome and was put amonge the other beeſtes for to deuoure the myſdoers / Now it befelle that the ſayd ſhepherd commyſed a crymynous dede / wherfore he was condempned to be deuoured by theſe beſtes / And ryght ſo as he was call among them the lyon knewe hym / and beganne to behold on hym / and made to hym chere and lykked hym with his tongue / And preſerued and kepte hym from alle the other beſtes / Thenne knewe the ſhepherd that it was the lyon whiche he maade hole / And that he wold thenne haue recompenſed hym of the good whiche he had done to hym / wherof alle the Romayns were all wonderly abaſſhed / And wold knowe the cauſe of hit  And the ſheepherd ſayd to them as aboue is ſayd /  ¶ And whanne they knewe the cauſe / they gaf leue to the ſheepherd / to goo home and ſente ageyne the lyon in to the foreſt / And

therfore