¶ The ſecond fable is of the lyon and of the hors
Che one ought to eſchewe dyſſymylyng
/ for none ouȝt to were on hym
the ſkyn of the wulf / but that he
wyll be lyke to hym / For none
ougt to fayne hym ſelf other than
ſuche as he is / As to vs reherceth this fable /
¶ Of a lyon whiche ſawe a hors / whiche ete
graſſe in a medowe / And for to fynde ſomme
ſubtylyte and manere for to ete and deuoure
hym approched to hym / and ſayd / God kepe
the my broder/ I am a leche / and with al a good
pheſycyen/ ¶ And by cauſe that I ſee that
thow haſt a ſore foote / I am come hyther for
to hele the of hit/ And the hors knewe wel
all his euyell thought And ſayd to the lyon /
My broder I thanke the gretely / and thow arte
welcome to me / I preye the that thow wylt
make my foote hole / And thenne the lyon ſayd
to the hors / late ſee thy foote / And as the lyon
looked on hit / the hors ſmote hym on the forhede
/ In ſuche wyſe that he brake his hede and
fyll oute of his mynde / & the lyon felle to the
ground / and ſoo wonderly he was hurte / that
almoſt
E