Page:The fables of Aesop, as first printed by William Caxton in 1484, with those of Avian, Alfonso and Poggio. Vol 2.djvu/91

 

ſheepherd / to whome he ſayd / yf thow wvlt be auenged of the wulf whiche is enemy of thy heerd or parke / on this day I ſhalle put hym under thy handes / And the ſhepherd auſuerede to the foxe in this manere / yf thow doo as thow ſayst / I ſhall paye the wel / And thenne the foxe ſhewed to hym the hool / wherin the wulf was / And the ſhepherd Incontynent wente toward the hole / and with a ſpere he kyld the wulf / And by this manere the foxe was wel fylled and refreſſhyed of the good of the other / but as he returned home ward / he was tuke and deuoured by ſomme dogges / wherfore he ſayd to hym ſelf / by cauſe that ryght euylle I haue done / euylle cometh thow to me / For ſynne retorneth euer vpon his mayſter / And he that lyueth but of rauyn and robberye ſhal at the laſt be knowen and robbed /