This page has been validated.
TIBBIE FOWLER.
Tibbie Fowler o' the glen,
There's o'er monie wooin at her,
Tibbie Fowler o' the glen,
There's o'er monie wooin at her.
Wooin at her, pu'in at her,
Courtin at her, canna get her;
Filthy elf, its for her pelf,
That a' the lads are wooin at her.
Ten cam east, and ten cam west,
Ten cam rowin o'er the water;
Twa cam down the lang-dyke side,
There's twa and thirty wooin at her.
Wooin at her, &c.
There's seven but, and seven ben,
Seven in the pantry wi' her;
Twenty head about the door,
There's ane-and-forty wooin at her.
Wooin at her, &c.
She's got pendles in her lugs,
