This page has been validated.
| 48 | Mr. Brown, on the Proteaceae of Jussieu. |
Filamenta brevissima v. mediocria, rarissimè partim cohærentia.
Antheræ adnatæ, biloculares, lineares, loculis per axin longitudinaliter dehiscentibus; rarò bipartitæ lobis respondentibus vicinarum connatis loculumque unicum tandem bivalvem efformantibus, altero lobo in quibusdam deficiente.
Pollen triangulare, angulis subsecernentibus, quandoque ellipticum v. lunatum, rarò sphæricum.
Squamulæ Glandulæve hypogenæ v. quatuor foliolis calycis alternantes, distinctæ seu connatæ; v. pauciores et intùs secundæ, interdum nullæ, rarissimè staminuliformes.
Ovarium unicum, liberum, sæpè pedicellatum, pedicello rarissimè articulato, mono-di-poly-spermum quandoque biloculare: ovulis apice, base v. latere ovarii affixis.
Stylus simplex, terminalis.
Stigma in plerisque indivisum, modò emarginatum rariùsque bifidum; sæpè obliquum, figurâ varium, plerumque glabrum, quandoque papulosum, hispidulum v. tomentosum.
Pericarpium, Nux, Samara v. Drupa monosperma rarò disperma, vel Folliculus coriaceus seu ligneus, di-poly-spermus basi, marginibusve suturæ seminifer; rarò bilocularis, dissepimento libero parallelo bipartibili!
Semen sessile, ventricosum, v. sæpiùs compressum, in folliculatis sæpé alatum; exalbuminosum, apice Chalazâ venosâ insignitum, Rhaphi nullâ.
Embryo dicotyledoneus, rarò polycotyledoneus, rectus, albus.
Radicula infera, brevis.
Plumula vix conspicua.
| 1. AULAX. |
