Page:Underwoods, Stevenson, 1887.djvu/104

This page has been validated.

II

ILLE TERRARUM

Frae nirly, nippin', Eas'lan' breeze,
Frae Norlan' snaw, an' haar o' seas,
Weel happit in your gairden trees,
A bonny bit,
Atween the muckle Pentland's knees,
Secure ye sit.


Beeches an' aiks entwine their theek,
An' firs, a stench, auld-farrant clique.
A' simmer day, your chimleys reek,
Couthy and bien;
An' here an' there your windies keek
Amang the green.