Page:Watty & Meg, or, The wife reform'd.pdf/2

THE

HUMOUROUS EXPLOITS

OF

WATTY and MEG.

KEEN the froſty winds war blawin',
Deep the ſna' had wreath'd the ploughs,
Watty, weary't a' day ſawin',
Dannert down to Mungo Blue's.

Dryſter Jock was ſitting crocky,
Wi' Pate Tamſon o’ the hill,
"Come awa'," quo' Johny, "Watty,
Haith we'ſe ha'e anither gill."

Watty, glad to ſee Jock Jabos,
And ſae mony neighbours roun’,
Kicket frae his ſhoon the ſna'ba's,
Syne ayont the fire ſat down.

Owre a broad, wi' bannocks heapet,
Cheeſe and ſtoups, and glaſſes ſtood;
Some war roarin', ithers ſleepit,
Ithers quietly chewt their cude.

Jock was ſellin' Pate ſome tallow,
A' the reſt a racket hel’,
A' but Watty, wha, poor fellow,
Sat and ſmoket by himſel'.

Mungo fill't him up a toothful,
Drank his health and Meg's in ane;
Watty puffin out a mouthfu',
Pledg'd him wi' a dreary grain.