[ 8 ]
Gin break this dreadfu' promise,
Never mair expect to thrive.
Margate Howe! this hour ye solemn
Swear by ev'ry thing that's gude,
Ne'er again your spouse to scal' him,
While life warms your heart an' blood.
That ye'll ne'er in Mungo's seek me-
Ne'er put drucken to my name-
Never oat at e’ening steck me-
Never gloom when I come hame.
That ye'll ne'er, like Bessy Miller,
Kick my shins, or rug my hair,
Lastly, I'm to keep the siller.
This upo' your saul ye swear?
O-h! quo' Meg, “Aweel," quo' Watty,
Fareweel! faith I'll try the seas.
O stan' still, quo' Meg, an' grat aye:
Ony, ony way ye please.
Maggy syne, because he prest her,
Swore to a thing owre again:
Watty lap, an' danc't, an' kist her;
Wow! but he was wondrous fain.
Down he threw his staff victorious;
Aff geed bonnet, claes, an' shoon;
Syne beneath the blankets, glorious,
Held anither Hinney Moon.
