adaỽ ar y llofrud ae tat ae vam ae vꝛodyr ae chwı- V fo 17 b
oꝛyd yn wahanredaỽl y ỽꝛth ygenedyl. Tꝛayan
yllofrud elchỽyl arennír yn teır ran. Y trayan
ar y llofrud ehunan. ar dỽy ran ar y tat ar vam
ar bꝛodyr ar chwıoꝛyd. ac oꝛ gỽyr hynny y tal 5
pop vn gymeínt ae gılyd. ac uelly ygỽꝛaged.
ac ny thal vn wreıc mỽy no hanher ran gỽꝛ.
ar trayan hỽnnỽ atelır y tat a mam y lladedıc
ae gyt etíuedyon megys y sarhaet. Y dỽy ran
adodet ar y genedyl: arennır yn teır ran. ac 10
o hynny ydỽy ran atal kenedyl ytat. ar tryded
atal kenedyl y vam. Y kyfryỽ achoed kenedyl
atalhont alanas ygyt ar llofrud: yr vn ryỽ a-
choed ae kymerant oparth y lladedıc oꝛ goꝛhen-
gaỽ hyt ygoꝛchaỽ. al hyn yd enwır naỽ rad 15
kenedyl adylyant talu galanas ae chymryt.
ac eu haelodeu. kyntaf oꝛ naỽ rad yỽ tat a mam
y llofrud neu y lladedıc. Eıl yỽ bꝛaỽt awhaer. Tꝛy-
dyd yỽ hentat. Petweryd yỽ Goꝛhentat. Pym-
het yỽ kefynderỽ. Whechet yỽ kyferderỽ. Seıth- 20
uet yỽ keıfyn. ỽythuet yỽ goꝛcheıfẏn. Naỽuet
yỽ goꝛchaỽ. aelodeu y gradeu ynt: neı ac ewy-
thyr yllofrud neu y lladedıc. Neı yỽ: mab bꝛa-
ỽt neu vab whaer. neu gefynderỽ. ˝neu gyfer-
derỽ.˝ neu gyfnítherỽ. Ewythyr yỽ. bꝛaỽt tat 25
Page:Welsh Medieval Law.djvu/140
![](http://upload.wikimedia.org/wikipedia/commons/thumb/6/62/Welsh_Medieval_Law.djvu/page140-1024px-Welsh_Medieval_Law.djvu.jpg)