APPENDIX.
No. l.
Charter granted to the University of Edinburgh by James VI. of Scotland.
Sciatis, nos cum avisamento Dominorum nostri Secreti Concilii, quandam chartam et infeofamentum per nostram charissimam matrem, pro tempore regni nostri Reginam, post suam perfectam aetatem, cum avisamento et consensu Dominorum ejus Secreti Concilii, factum, datum et concessum dilectis nostris Praeposito, ballivis, consulibus et communitati burgi nostri de Edinburgh, et eorum successoribus, super donatione, dispositione et confirmatione, omnium et singularum terrarum, tenementorum, domorum, aedificiorum, ecclesiarum, capellaniarum, hortorum, pomoeriorum, croftarum, annuorum reddituum, fructuum, devoriarum, proficuorum, emolumentorum, firmarum, eleemosinarum, 1e Daill-silver, obituum et anniversariorum quorumcunque, quovismodo pertinuerunt, aut pertinere denoscuntur, ad quascunque capellanias, altaragia, praebendas, in quacunque ecclesia, capella aut collegio, infra libertatem dicti burgi nostri de Edinburgh, fundata sen fundanda per quemcunque patronum, in quorum possessione capellani et praebendarii earundem perprius fuerant; ubicunque praefatae domus, tenementa, aedificia, pomoeria, horti, annui redditus, anniversaria, fructus, proventus et emolumenta jacent, aut prius levata fuerunt, respective; cum manoribus, locis, hortis, pomariis, terris, annuis redditibus, emolumentis et devoriis, quibuscunque, quae Fratribus Dominicalibus, seu praedicatoribus et minoribus, seu Franciscanis, dicti burgi nostri de Edinburgh, perprius pertinuerunt.
H