Page:Will of King Alfred.djvu/24

dene. 7 hit man arædde beforan eallum west-seaxena witum. þa hit aræd wæs. þa bæd ic hy ealle for minne lufan (7 him min wedd bead. ꝥ ic hyra næfre nænne ne oncuðe for þon þe hy on riht spræcon) 7 ꝥ hyra nan ne wandode for minan lufan. ne for minum ege. þæt hy folcriht arehton. þy læs ænig man cweðe ꝥ ic mine mægcild. oððe yldran. oððe gingran. mid wo fordemde. 7 hy þa ealle to rihte gerehton 7 cwædon ꝥ hy nan rihtne riht geþencan ne mihtan. ne on þam yrfe-gewrite gehyran. "nu hit eall agan is þæs on oð þine hand. þonne þu hit becweðe 7 sylle swa gesibre handa swa fremdre swaðer þe leofne sy." 7 hi ealle me þæs hyra wedd sealdon. 7 hyra hand-setene. ꝥ be hyra life hit nænig mann næfre ne onwende on nane oðre wisan butan swa swa ic hit sylf gecweðe æt þam nyhstan dæge.