nat naht gewislice hwæðer þæs feos swa micel is. ne ic nat þeah his mare sy. butan swa ic wene. Gyf hic mare sy. beo hit him eallum gemæne þe ic feoh becweden hæbbe. 7 ic wille þæt mine ealdormenn 7 mine þenigmenn þær ealle mid syndan. 7 þis þus gedælan.
Ðonne hæfde ic ær on oðre wisan awriten ymbe min yrfe. þa ic hæfde mare feoh. 7 ma maga. 7 hæfde monegum mannum þa gewritu oðfæst. 7 on þas ylcan gewitnesse hy wæron awritene. þonne hæbbe ic nu forbærned þa ealdan. þe ic geahsian mihte. Gif hyra hwylc funden bið. ne forstent þæt naht. for þam ic wille þæt hit nu þus sy mid godes fultume.
7 ic wille þa menn þe þa land habbað. þa word gelæstan þe on minnes fæder yrfe-gewrite standað swa swa hy fyrmest magon.
7 ic wylle gif ic ænigum menn ænig feoh unleanod hæbbe þæt mine magas þæt huru geleanian.
7 ic wylle þa men þe ic mine bocland becweden hæbbe. þæt hy hit ne asyllan of
