JOHN. Jrigdon (talk) 01:45, 12 December 2016 (UTC)scan by John Rigdon www.wordsrus.info
JOHN.
CHAPTIR ANE. John Baptist testifies. Jesus gaithers a wheen disciples. A T the first o' a' things was The Word, and The Word was wi' God, and The Word was God his sel. 2. The vera same was at the first wi' God. 3. A' things war o' his makin ; and but for him was naething made that was made ava. 4. Life was in him : and the life was man's licht. 5. And the licht glintit throwe the mirk I but the mirk failed to tak haud o't. 6. God sent a man o' the name o' John. 7. He cam for a witness, to gie witness o' the Licht, that a' men by him soud believe. 8. He wasna the Licht his sel, but it was his pairt to gie witness o' the Licht. 9. E'en the true Licht, beamin for ilka man that comes intil the warld. 10. And he was here in this warld, and the warld was o' his makin, and the warld kent-him-na. 11. He cam till his ain haddin, and his ain folk war fremd to him. 12. But as mony as took him to them, to them gied he richt to be God's bairns, e'en to them wha lippen to him. 13. Born, no o' blude, nor e'en o' the wull o' the flesh, nor o' man, but o' God his gel. 14. And the Word becam flesh, and forgather't wi' us, (and we e'en saw his glorie, as o' the only begotten o' the Faither !) fu' o' tenderness and truth. 15. John bure witness to him, and cry't oot, " This was He I spak o', whan I tell't ye, He that comes
eftir me is afore me!' for he was aye afore me !
16. " And o' his rowth and plenty hae we a' gotten, and tenderness withoot end !
17. "For Moses gied the Law; but tenderness and truth war brocht to us by Jesus Christ.
18. " Nae man's sel has e'er seen God The only begotten Son, lyin in his Faither's bosom, schaws him to us."
19. And this is what John spak, whan the Jews sent priests and Levites free Jerusalem to speir at him " Wha he was "
20. And he owned, and deny't-na, but owned he wasna the "Anointit."
21. And they speir't, "What than ? Are ye Elijah ? " And he said, " I am no I" " Are ye The Prophet 1" And he still said, " Na."
22. Than they said, " Win are ye ! for we maun gie an answer to them that sent us oot. What div ye say o' yersel 1"
23. Quo' he, " I am but the sough o' a voice cryin i' the wilderness, Stmughten oot God's road ! ' just as Esaiah the Prophet said."
24. And the men that war sent war Pharisees.
25. And they still speir'tat him, and said, " Why are ye bapteezin, than, gin ye are naither the Anointit Ane, nor Elijah, nor yet The Prophet?"
26. John tell't them, " I bapteeze wi' watir ; but thar is Ane yere mids ye kenna ;
27. " It is He wha comes ahint me, but is set aboon me : the whang o' whasesboon I am-na wordie to lowser
28. Thir things war dune in Beth-anie ayont Jordan, whaur John bapteez't.
29. On the morn, John saw Jesus comin till him, and he coudna help
