that sat at meat wi' him, he commandit it to be gien to her.
10. And he sent, and beheidit John i' the prison.
11. And his heid was brocht on an aschet, and gien to the lass; and she brocht it till her mither.
12. And his disciples cam, and took up the body, and bury't it; and gaed and tell't Jesus.
13. And whan Jesus heard it, he gaed awa by boat till a. deserbplace oot-by; and whan the croods heard o't. they follow't on fit frae the toons.
14. And he cam oot, and saw a great thrang; and he had pitie on them and healed their sick anes.
15. And whan the e'enin cam on. his disciples cam till him, and quo' they, "This is but a desert bit, and the time is gaun by; send the folk awa, that they may gang to the neebor toons, and buy theirsels meat!"
16. But Jesus said to them, "They need-na gang awa; gie ye them to eat!"
17. Quo' they to him, "We has here but fyve bannocks and twa fish."
18. He said, "Fesh them here to me!"
19. And he gar't the crood sit doon on the gerss; and took the fyve bannocks and the twa speldrins, and lookin up till Heeven he gied thanks, and brak, and gied the bannocks to the disciples, and the disciples to the folk.
20. And the a' did eat and war satisl'y't ;. and they liftit o' the broken bits that war left, [1]twal baskets fu'.
21. And they who. had eaten war about fyve thoosand men, forby wee-men and weans.
22. And at ance he gar't his disciples gang intil the boat, and gang awa first to the ither side, till he wad send the crood awa.
23. And when he had sent the crood awa, he gaed up intil a mountain by his-sel to pray; and whan e'enin fell he was thar alane.
24. But the boat was noo i' the mids o' the Loch, vex'd wi' the waves: for the wund was contrar.
25. And i' the hinmaist watch o' the nicht Jesus cam to them, gangin on the sea.
26. And whan the disciples saw him walkin on the sea, they war sair glifft, saying. "It is a ghaist!" And they cry't oot for fear.
27. And at ance Jesus spak to them, "Be o' gude heart! It is I; fear-na!"
28. And Peter answer't and quo' he, "Lord, gin it be thou, bid the come till thee on the watir!"
29. And he said, "Come!" And whan Peter was gotten doon oot o' the boat, he walkit on the watir to gang tae Jesus.
30. But whan he saw the wund gousty, he fear't; and as he begude to sink he cry't oot, "Lord, save me!"
31. And at ance Jesus raxed oot his haun, and grippit him, saying to him, "O thou o' sic sma' faith, why did thou fear?"
32. And whan they war gane up intil the boat. the wund was lown.
33. And they i' the boat worshipp't him, saying, "Truly thou art the Son o' God!"
34. And whan they get ower, they cam to the land, to Geunesaret.
35. And whan the men o' that place had kennin o' him, they sent oot intil a' the kintra-side, and fesh't till him a' that war ailin;
36. And entreatit him that they micht but touch the border o' his garment; and a' that touched were made hale.
CHAPTIR FYFTEEN.
What fyles a man! The Canaan-wumman. A great denner on sma' providin.
- ↑ V. 20. The twal basket-fu's war nae doot gien to the puirest o' the folk. Breid os a sacred thing, and tho' multiply't by miracle, is no to be wastit.
