7. Dear bairns! lat nae ane beguile ye! He that dis richtousness he is richtous, e'en as Christ is richtous.
8. He that dis sin is o' Sautan; for Sautan sins frae the first. And for this end was the Son 0' God made kent, that he micht whammle ower the warks o' Sautan.
9. Nae ane begotten 0' God gangs on in sin; for his seed in him abides; and he cauna gang on in sin, for he is begotten 0' God.
10. In siclike is made kent the bairns 0' God, and the bairns o' Sautan. Nae ane that disna do richtousness is 0' God, naither he that loe's-na his brither.
11. For this is the message ye heard frae the first: that we soud lo'e ane anither:
12. No like Cain, wha was 0' the Ill-ane, and slew his brither. And for why did he slay him'! For that his warks war ill, and his brither's richtous.
13. Brethren, ferlie-na gin the warld hate ye.
14. We oorsels ken we hae stappit ower frae death intil life, for that we lo'e the brethren. He that loe's-na bides still in death.
15. Ilka ane that hates his brither is a [1]blude-shedder; and we ken that nae blude-shedder has evir-durin life bidin in him.
16. Hereby hae we come to ken love, in that Christ on our behauf laid doon his life; and we send, in behauf o' the brethren to pawn oor lives.
17. But whasae has this warld's gear, and sees his brither in need, and steeks oot his tender affections awa frae him, hoo dwalls God’s ain love in him 'I
18. Dear bairns! lat us no lo'e alane in words; nor wi' the tongue, but in warks and in truth!
19. And in this sal we come to ken that we oorsels are 0' the truth, and sal mak blythe oor hearts afore him.
20. Whan oor hearts wyte us, God is aboon oor hearts, and kens a' things.
21. Beloved, gin aiblins oor heart wytes-us-na, we hae freedom 0' speech toward God;
22. And whatna things we may be seekin, we are obteenin frae him; for his commauns we are keepin, and the things pleasin in his sicht we are doin.
23. And this is his commaun, that we send hae faith i' the name 0' his Son Jesus Christ, and be loe'in ane anither; conform to the commaun he gied us.
24. And he that keeps his commauns, in Christ abides, and he in him! And thus we ken that he abides in us, throwe the Spirit he has gien us.
CHAPTIR FOWR.
We arena to lippen ilka spirit, but to follow true spirits. Hoe to ken siclike.
WEEL-LOE'D anes! lippen-ye-na a' spirits, but try the spirits, gin they be 0' God! for mony fause-prophets are gane oot intil the warld.
2. Hereby ken ye the spirit 0' God: ilka spirit that owns Jesus Christ, as haein come i' the flesh, is 0' God;
3. And ilka spirit that owns-na Jesus, is no' 0' God. And this is the spirit 0' antichrist that ye heard 0' as comin; and e'en noo is it i' the warld.
4. Ye are 0' God, dear bairns, and hae owercome them; for greater is he that is in you than he that is in the warld.
5. Thir are 0' the warld; and see they speak 0' the warld, and the warld hearkens to them.
- ↑ V. I5. "Ye sal do nae murder," is a declaration 0' war again the king 0' a great nation. The king is Murder; but the hail hostile nation is Hatred. See hoo oor Lord make this plain in Matt. v. 21, 22.
