Rigs o' barley (1821)/Lassie wi' the raven locks

by Angus Fletcher

For other versions of this work, see Lassie wi' the raven locks.

LASSIE WI' THE RAVEN LOCKS.

Lassie wi' the raven locks,
Charming lassie, Highland lassie;
Gladly wad I tend thy flocks,
Bonnie Highland Mary, O.
Where Echaig joins the briny tide,
And Cowal's hills spread far and wide,
Alang the winding banks of Clyde,
I met wi' Highland Mary, O.
Lassie wi' &c.

Her foot so neatly mark'd the sand,
An' gently wav'd her lily hand,
As, slow, she trac'd the sea-beat strand,
The lovely Highland Mary, O.
Lassie wi', &c.

How mildly glanc'd her hazel ee!
Like sun-beams on the dewie lea:———
It stowlins, wyl'd the heart frae me,
The witching smile of Mary O.
Lassie wi', &c.

Her eyebrows of a jetty-hue;
Her lips like rose-buds moist wi' dew;
A sweeter face ne'er bless'd in view
Than youthfu' Highland Mary's O.
Lassie wi', &c.

Tho' pure the flow'rs that blaw unseen
Amang her native woodlands green,
Yet purer far the heart I ween,
Of artless, Highland Mary, O.
Lassie wi', &c.

Let others range from isle to isle,
Where never-ending simmers smile:———
Mair dear the groves o' Ballochyle,
That shelter Highland Mary O.
Lassie wi', &c.

I'd, cheerfu', toil frae dawn o' day,
O'er yon lone glen and ferny brae,
Could I but get, by gloaming grey,
Ae blythsome blink of Mary, O.

O may nae cloud the sun o'ercast,
To chill this flow'ret's snawie breast!
Nae reptile's breath untimely blast
The op'ning bloom of Mary, O.
Lassie wi', &c.

---