Lullaby.
[John Sim.—Air, "Bonnie Wood o' Cragie Lee."]
Rest, lovely babe, on mother's knee,
Rest, lovely babe, on mother's knee,
And cry na sae to fill wi' wae
The heart that only beats for thee.
Thou hast, my babe, nae father now,
To care for thee when I am gone;
And I ha'e ne'er a friend sae true
As would my bonnie baby own,
Rest, lovely babe, &c.
O! ance, and I could little think
A lot sae hard would e'er be thine,
As thus a mother's tears to drink!
For, baby, thou hast drunk o' mine,
Rest, lovely babe, &c.
O smile, my babe! for sic a smile
Thy father aye put on to me;
O smile, my babe, and look the while,
For thou look'st wi' thy father's e'e.
Rest, lovely babe, &c.
O that this widow'd heart would beat
Till thou in years hadst upward grown,
That I might learn thy future fate,
Nor leave thee in the world alone.
Rest, lovely babe, &c.