Red is the Rose.
[Air, "Broom blooms bonnie."]
How sweet the rose blaws, it fades and it fa's;
Red is the rose and bonnie, O:
It brings to my mind what my dear Johnnie was;
So bloom'd, so cut off was my Johnnie, O.
Now peace is return'd, but nae joy brings to me;
Red is the rose and bonnie, O:
For cold is his cheek, and closed is his e'e,
And nae mair beats the heart o' my Johnnie, O.
Ab! why did he love me, and leave these sweet plains;
Red is the rose and bonnie, O:
Where smiling contentment and peace ever reigns,
But they'll ne'er bloom again for my Johnnie, O.
Nor to me will their beauties e'er pleasure impart;
Red is the rose and bonnie, O:
For sunk is my spirits, and broken my heart;
Soon I'll meet ne'er to part frae my Johnnie, O.