The deuks dang o’er.
[The first two stanzas of this song were manufactured by Burns from an old but somewhat licentious ditty called "The deuks dang o'er my daddie." The two concluding verses are by Dr. Graham of Glasgow. The tune is old, and can be traced at least as far back as Playford's "Dancing Master," 1657.]
The bairns gat out wi' an unco shout,
The deuks dang o'er my daddie, O;
Quo' our gudewife, "Let him lie there,
For he's just a paidling body, O;
He paidles out, and he paidles in,
He paidles late and early, O;
This thirty years I ha'e been his wife,
And comfort comes but sparely, O."
"Now haud your tongue," quo' our gudeman,
"And dinna be sae saucy, O,
I've seen the day, and so ha'e ye,
I was baith young and gaucy, O.
I've seen the day you butter'd my brose,
And cultered me late and early,;
But auld age is on me now,
And wow but I fin't richt sairly, O."
"I carena though ye were i' the mools,
Or dookit in a boggie, O;
I kenna the use o' the crazy auld fool,
But just to toom the coggie, O.
Gin the win' were out o' your whaisling hauze,
I'd marry again and be voggie, O;
Some bonnie young lad would be my lot,
Some rosy cheeked roggie, O."
Quo' our gudeman, "Gi'e me that rung
That's hingin' in the ingle, O;
I'se gar ye haud that sorrowfu' tongue,
Or else your lugs will tingle, O.
Gang to your bed this blessed nicht,
Or I'll be your undoing, O;"
The cannie auld wife crap out o' sicht,—
What think ye o' sic wooing, O?