The Catholic Prayer Book and Manual of Meditations/Stabat Mater
Stabat Mater.
Stabat mater dolorósa
juxta Crucem lacrimósa,
Dum pendébat Fílius.
Cuius ánimam geméntem,
contristátam et doléntem
Pertransívit gládius.
O quam tristis et afflícta
fuit illa benedícta,
Mater Unigéniti!
Quae mœrébat et dolébat,
pia Mater, dum vidébat
Nati pœnas ínclyti.
Quis est homo qui non fleret,
matrem Christi si vidéret
In tanto supplício?
Quis non posset contristári
Christi Matrem contemplári
Doléntem cum Fílio?
Pro peccátis suæ gentis
Vidit Jésum in torméntis,
Et flagéllis súbditum.
Vidit suum dulcem Natum
moriéndo desolátum,
Dum emísit spíritum.
Eia, Mater, fons amóris
me sentíre vim dolóris
Fac, ut tecum lúgeam.
Fac, ut árdeat cor meum
In amándo Christum Deum
Ut sibi compláceam.
Sancta Mater, istud agas,
Crucifixi fige plagas
Cordi meo valide.
Tui Nati vulnerati,
Tam dignati pro me pati,
Poenas mecum divide.
Fac me tecum pie flere,
Crucifixo condolere,
Donec ego vixero.
Juxtacrucem tecum stare,
Et me tibi sociare
In planctu desidero.
Virgo virginum prseclara,
Mihi jam non sis amara;
Facme tecum plangere.
Fac ut portem Christi mortem,
Passionis fac consortem,
Et plagas recolere.
Fac me plagis vulnerari,
Fac me cruce inebriari,
Et cruore Filii.
Flammis ne urar succensus,
Per te, Virgo, sim defensus
In die judicii.
Christe, cum sit hinc exire,
Da per Matrem me venire
Ad palmam victoriae.
Quando corpus morietur,
Fae ut animae donetur
Paradisi gloria. Amen