SLEEPING MAGGIE.
Mirk an’ rainy is the night,
No a starn in a’ the carry,
Lightnings gleam athwart the lift,
And winds drive wi’ winter’s fury.
O are ye sleeping Maggie,
O are ye sleeping Maggie,
Let me in, for loud the linn,
Is roaring o’er the warlock craigie.
(illegible text)earfu’ soughs the boor-tree bank.
The rifted wood roars wild an’ dreary,
Loud the iron yett does clank,
And cry o’ bowlets make me eerie.
O are ye sleeping, &c.
Aboon my breath I darnae speak,
For fear I rouse your waukrife daddy
Cauld’s the blast upon my cheek,
Oh rise, rise my bonny lady.
O are ye sleeping, &c.
She’ opt the door, she’ let him in.
He cuist aside his dreepin’ plaidie,
Blaw your warst ye rain and win,
Since Maggy, now I’m in beside ye.
Now since I’m in beside yon,
Now since I’m in beside you, Maggie,
What care I for howlet’s cry,
For boor-tree-bank or warlock craigie.