The fables of Aesop by William Caxton (Jacobs)/Vol. II/Auian/Fable 20
¶ The xx fable was of the crowe whiche was a thurst
![](http://upload.wikimedia.org/wikipedia/commons/thumb/c/c7/Caxton_Aesop-254.jpg/350px-Caxton_Aesop-254.jpg)
Etter is crafte and subtylyte than
force / As reherceth to vs this
fable / Of a crowe whiche vpon
a day came for to drynke oute
of a boket / and by cause that she
myght not reche to the water / she dyd fyll the
boket ful of smal stones / in soo moche that the
water came vpward / wherof she dranke thenne
at her wylle / and playsyre / And therfore hit
appiereth wel / that wytte or sapyence is a moche
fayr vertue For by sapyence or wytte / thow shalt
mowe resyste to all faultes /