The fables of Aesop by William Caxton (Jacobs)/Vol. II/Liber Quartus/Fable 13
¶ The xiij fable is of the asse / and of the wulf
O none euyelle[errata 1] man feythe ne trouthe
ought neuer to be adiousted /
As men may wel see by this
fable / Of a wulf whiche vysyted
an asse whiche was wel seke the
whiche wulf beganne to fele and taste hym / and
demaunded of hym / My broder and my frend
where aboute is thy sore / And the asse sayd to
hym / there as thow tastest ¶ And thenne the
wulf faynyng to vysyte hym / beganne to byte
and smyte hym / ¶ And therfore men must not
trust flaterers / For one thynge they saye / and
done another