DOWN THE BURN DAVIE.
WHEN trees did bud and fields were green,
and broom bloom'd fair to see;
When Mary was complete fifteen,
and love laugh'd in her ee;
Blythe Davie's blinks her heart did move,
to speak her mind thus free,
Gang down the burn Davie, love,
and I shall follow thee.
Now Davie did each lad surpass,
that dwelt on this burn-side,
And Mary was the bonniest lass,
just fit to be a bride;
Her cheeks were rosy, red end white,
her een were bonny b ue;
Her looks were like Aurora bright,
her lips like dropping dew.
As down the burn they took their way,
what t nder tales they said!
His cheek to hers he alt did lay,
and with her bosom play’d;
Till baith at last impatient grown
to be mair fully blest,
In yonder vale they lean’d them down,
love only saw the rest.
What pass’d, I guess, was harmless play,
and naething sure unmeet;
For ganging hame I heard them say,
they lik’d a wa’k sae sweet;
And that they aften should return,
such pleasures to renew,
Quoth Mary, Love, I like the burn,
and ay shall follow you.