Wee wifukie, or, This is no me/The wee wifukie, or This is no me

Wee wifukie, or, This is no me  (1813) 
The wee wifukie, or This is no me


There was a wee bit wifukie,
and she gade to the fair,
She got a wee bit drapukie,
that cost her meikle care;
It gade about the wifie's heart,
an' she was like to spew,
An' O! quo' the wee wifukie,
I wish I be nae fu.'


I wish I be nae fu', quoth she,
I wish he nae fu';
O quo' the wee wifukie,
I wish I be nae fu'.

If Johnny see me barley sick,
I doubt he'd claw my skin,
I'll tak' a wee bit napukie,
before that I gae it:
Sae lyin' down at a dyke-side,
takin' a wee bit nap:
By came a paukin packman,
wi' a wee bit pack. wi' a wee, &c.

He clippet a' the wifies locks,
that gowden were and lang,
He took her pouch an' pursukie,
an' faft awa' he ran;
The wifie waken'd in a fright,
her head was light's a five,
An' O, quo' the wee wifukie,
sure this is no me. sure this is, &c.

When I was bonny Bessukie,
my lock's they were like gowd,
I lock'd like ony lassokie,
whene'er that they were cow'd,
An' Johnny wae ay telling me,
I was right fair to see;
But somebody's been fellin' me,
for this is no me. for this is &c

I met wi' kindly company,
I bir'd my baubee,
If I be bonny Bessukie,
three placks remain wi' me.
She put her haa' dow by her side,
to fin' gin it was she,
But neither pouch nor plack she had,
fo this is no me fo this is, &c.

I hae a wee bit housikie,
an' in't a kindly man:
A doggie they ca' Dossukie,
if it be me he'll fawn
An' a' the bairns about the house,
will ken if this be me,
But somebody's been tellin' me,
for this is no me. for this is &c.

The night was cauld and dingin' wat,
and wow but it was mirk,
The little doggie heard a foot,
an' it began to bark?
An' when the doggie barked,
she kent it was nae she
O weel kens my Dussukie
that this is no me. that this is, &

When Johnny heard his Bessy's foot
faft to the door he ran;
Cryin', come awa my Bessukie;
it's no me, goodman:
Be kindly to my bairns a',
an' weel may you be;
Fare ye weel, my Johnny, lad,
for this is no me for this is, &c

John ran to the Minister,
his hair stood on an end;
I hae gotten sic a fright, Sir,
I fear I ll never mend:
My wife's come home without a head,
cryin' out most bitterly,
Fare ye weel, my Johnny, lad,
for this is no me. for this is, &c.

The tale you tell seems wondrous strange,
seems wondrous strange to me,
To think a wife without a head
could either speak or see,
The things that happen here awa',
are wonderin' to me;
I cou'd amaist wi' Bessy say.
'tis neither you nor she. 'tis no her, &c.

When Johnny he came hame again,
his heart was unco fain,
To fee his bonny Bessukie,
come to herself again,
Sittin' on a stooliken',
an' Tibbock on her knee;
Cryin', come awa' Johnny lad,
for this is ow me, quo' fhe,
for this is now me;
I've got a wee bit napokie,
and this now me

Then Johnny took her in his arms,
hi heart was unco glad,
To see his bonny Bessukie,
now a' right but the head:
Although you've lost your gowden locks.
your pouch and pursukie,
Come to your bed my Bessukie.
and happy we shall be. although, &c.

This work was published before January 1, 1928, and is in the public domain worldwide because the author died at least 100 years ago.

Public domainPublic domainfalsefalse