Young lasses' song, or, What wou'd a young lassie do wi' an auld man/Auld Gudeman Ye're a Drunken Carle

AULD GUDEMAN

YE'RE A DRUNKEN CARLE.

Auld gudeman, ye're a drunken carle,
drunken carle,
A' the lang day ye wink and drink,
and gape and gaunt;
Of Scottiſh loons ye're the pink and pearl,
pink and pearl,
Ill-far'd, doited, ne'er-do-weel.

Hech, gudewife, ye're a flytin body,
flytin body;
Will yo hae, but, gude be prais'd,
the Wit ye want;
The puttin cow ſhould be aye a ⟨daddy⟩,
aye a daddy;
Mak na ſic an awſome reel.

Ye're a ſow, auld man,
Ye get ſou, auld man;
⟨For⟩ ſhame, auld man,
⟨To your⟩ wame, auld man;
⟨Pinch'd⟩ I win, wi' ſpinin tow,
A ⟨plack to⟩ clead ye're back and pow.

It's a lie, gudewife,
It's your tea, gudewife;
Na. na. gudewife,
Te ſpend a', gudewife,
⟨Dinna⟩ fa' on me pell-mell,
Ye like the drap fu' weel yourſel.

Ye's rue, auld gouk, your jeſt and frolic,
jeſt and frolic;
Dare ye ſay, goofe, I ever lik'd to tak
a drappy!
An' 'twerna juſt for to cure the colic,
cure the colic,
Deil a drap wad weet my mou.

Troth, gudewife, ye wadna ſwither,
wadna ſwither,
Soon ſoon to tak a cholic, when it brings
a drap o' cappy.
But twa ſcore years we hae fought the-gither,
fought thegither,
Time it is to gree, I trow.

I'm wrang, auld John;
Owre lang, auld John,
For nought, gude John,
We hae fought, gude John;
Let's help to bear ilk ither's weight,
We're far owre feckleſs now to fight.

Ye're right, gudewife,
The night, gudewife,
Our cup, gude Kate,
We'll ſup, gude Kate,
Thegither frae this hour we'll draw,
And toom the ſtoup atween us twa.