16
Within the same a' night to lie,
If that the room be warm and dry,
The Landlord says. Ye’se get a fire,
And candle too gin ye desire,
Wi’ beaks to read; and for your bed,
I’ll orders gie, to get it made.
John says, as I’m a Christian man,
Who never likes to curse nor ban.
Nor steal, nor lie, nor drink, nor roar,
I’ll never gang within its door,
But sit hy the fireside a’ night,
And gang awa’ where’er ’tis light.
Says Thrummy till him, wi’ a glow’r.
Ye cowardly gowk I’ll mak ye cow’r;
Come up the stair alang wi’ me,
And I shall caution for ye be.
Then Johnny faintly gaed consent,
Sine up the stairs to tiie bed they went,
Where soon they gat baith fire and light^
To had them harty a’ the night;
The Landlord likwise gae them meat;
Meikle as they baith could eat;
Show’d them their bed and bade them gang
To it whene’er they did think lang;
Sae wishing them a gude repose,
Straight s-yne to his ain bed he goes.
Our travellers now being left alane,
’Cause that the frost was nipping keen,
Coost aff their shoon and warmed their feet,
Then syne gaed to their bed to sleep.
But cowardly John wi’ fear was quaking;
He coudna sleep but still lay waking,
Sae troubled wi' nis panic fright,
When near the twalt hour o’ night,
