17
That Thrummy waked and thus spoke,
Preserve’s quoth he, I'm like to chock
Wi’ thirst, and l maun hae a drink.
I will pang down the stair, I think,
And grapple for the water-pail,
0 fora waught o‘ caller ale !
Johnny grips till him, and says, Na,
1 winna let you gang awa ;
Wow will you gang and leave me here
Alane to oie wi’ perfect fear ?
Rise up and gae wi' me then, quoth Thrummy,
Ye senseless gude-for-naething bummy,
I’m only gaen to seek some water,
I will be back just in a clatter,
Na, na says John I’ll rather lie,
But as I’m likewise something dry,
Gif ye can get a jug or cap,
Fesh up to me a little drap.
Ay ay quoth Thrummy that I will
Although I shouldnaget a gill,
Sae down he goes to seek a drink,
But then he sees a little blink
O’ light that shone upon the floor,
Out through the lock-hole o’ the door,
Which .wasna fast but stood a-gee,
Whatever’s there he thinks he’ll see :
Sae baldly o'er the threshold ventures,
Then irt within the door he enters.
But reader judge of the surprise
That there he saw with wondering eyes
A spacious vault well stored wi’ casks
O' reaming ale and some big flasks,
And stride-legs o’er a cask o’ ale
He saw the likeness of himsel.
