( 3 )
Indeed Pattie I dinna ken,
but firſt ye maun ſpeer at my Daddy,
You're as well born as Ben,
and I canna ſay but I'm ready.
There's plenty o' yarn in clues,
to mak me a coat and a jimpy;
And plaiden enough to be trews,
gif ye get it, I ſhanna ſcrimp ye.
Now fair fa' ye, my bonny Meg,
I'ſe let a wee ſmaky ſa' on you;
May my neck be as lang as my leg,
if I be an ill huſband to you.
Sae gang your wa' hame e'enow,
mak ready gin this day fifteen days,
And tell your Father the news,
that I'll be his Son in great kindneſs.
It was nae very lang after that,
wha came to our bigging but Patie!
Weel dreſs’d in a braw new coat,
and wow but he thought himſelf pretty:
His bonnet was little frae new,
in it was a loop and a flitty,
To tie in a ribbon ſae blue,
to bab at the neck o' his coaty.
Then Patie came in wi' a ſtend,
ſaid, Peace be here to the bigging,
You’re welcome, quo' William come ben,
or I wiſh it may rive to the rigging.
