( 4 )
Now draw in a ſeat and ſit down,
and tell's a' your news in a hurry;
And haſte ye Meg, and be done,
and hing on the pan wi' the berry.
Quoth Patie, My news is nae thrang:
yeſtreen I was wi' his Honour;
I've ta'n three riggs o' braw land,
and ha'e bun' myſel in a bonner:
And now my errand to you,
is for Maggy to help me to labour,
I think ye maun gie's the beſt cow,
becauſe that our haddin's but ſober.
Weel, now for to help you through,
I'll be at the coſt o' the bridal,
I'ſe cut the craig o' the ewe,
that had a-maiſt die'd o' the ſide-ill.
And that’ll be plenty o’ bree,
ſae lang’s our well is nae reiſted,
To a' our good neighbours and wee,
and I think we'll no be ill feaſted.
Quoth Patie, O that'll do weel,
and I'll gi'e you broſe in the morning,
O' kail that was made yeſtreen,
for I like them beſt in the forenoon.
Sae Tam the Piper did play,
and ilka ane danc'd that was willing;
And a' the lave ranked through,
and they held the ſtoupy ay filling.
