Bessy Bell and Mary Gray (1816-1820)/The lassie o' the Glen
THE LASSIE O' THE GLEN.
Beneath a hill, 'mang birken bushes,
By a burnie's dimpilt linn;
I told my love, wi' artless blushes,
To the lassie o' the glen.
O the birken bank sae grassy,
Hey the burnie's dimpilt linn;
Dear to me's the bonny lassie,
Living in yon rashy glen
Lanely Ruail! thy stream sae glassy,
Shall be ay my fav'rite theme;
For, on thy banks my Highland lassie
First confess'd a mutual flame.
O the birken, &c.
There, as she mark'd the sportive fishes,
Upward spring wi' quiv'ring fin,
I slyly stole some melting kisses,
Frae the lassie o' the glen.
O the birken, &c.
What bliss! to sit, and nane to fash us,
In some sweet wee bow'ry den;
Or fondly stray amang the rashes,
Wi' the lassie o' the glen.
O the birken, &c.
But tho' I wander now unhappy,
Far frae scenes we haunted then,
I'll ne'er forget the—bank sae grassy,
Nor—the lassie o' the glen.
O the birken, &c.