Burns' Popular Songs/The Cardin' O't

by Robert Burns (1759-1796)

The Cardin' O't.

I coft a stane o' haslock woo',
To make a wat to Johnny o't;
For Johnny is my only jo.
I loe him best of ony yet.
The cardin' o't, the spinnin' o't,
The warpin' o't, the winnin' o't;
When ilka ell cost me a groat,
The tailor staw the linin' o't.

For though his lock be lyart grey.
And though his brow be bald aboon;
Yet I hae seen him on a day,
The pride of a' the parishen.