Excellent new song, called, The sprig of shilale, &c./Tam Glen

For other versions of this work, see Tam Glen.

TAM GLEN.

My heart is a-breaking, dear auntie;
Some counſel unto me com len'
To anger them a' is a pity,
But what will I do wi' Tam Glen?
I'm thinking, wi' ſic a braw fallow,
In poortith I might mak a fen;
What care I in riches to wallow,
If I manna marry Tam Glen?
What care I, &c.

There's Lowrie, the laird of Drummiller,
Gude day to you, brute, he comes ben,;
He brags and he blaws o' his filler,
But whan will he dance like Tam Glen?
My minnie does conſtantly deave me
An' bids me beware o' young men;
They flatter, ſhe ſays, to deceive me,
But wha can think fae o' Tam Glen?
They flatter, &c.

My daddie ſays, gin I'll forſake him,
He'll gie me gude hunder marks ten;
But if its ordain'd I maun take him,

O wha will I get but Tam Glen!
Yeſtreen at the valentines dealin',
My heart to my mou' gied a ſtén',
For thrice I drew ane without failin',
And thrice it was written, Tam Glen.
For thrice, &c.

The laſt halloween I was waukin'
My droukit ſark ſleeve, as ye ken,
His likeneſs cam up the houſe ſtaukin',
An' the very grey breeks o' Tam Glen
Come counſel, dear Titty, don't tarry;
I'll gi'e you my bonie black hen,
Gin ye will advise me to marry
The lad I love dearly, Tam Glen
Gin ye will, &c.



FINIS.



This work was published before January 1, 1929, and is in the public domain worldwide because the author died at least 100 years ago.

Public domainPublic domainfalsefalse