Highland laddie (3)/Comin' Thro' the Rye

Highland laddie (3) (1820)
by Robert Burns
Comin' Thro' the Rye
3282116Highland laddie (3) — Comin' Thro' the Rye1820Robert Burns (1759-1796)

COMIN' THRO' THE RYE.

Comin' thro' the rye, poor bodie,
Comin' thro' the rye,
She draigelt a' her petticotie:
Comin' thro' the rye.

O Jenny's a' weet, poor bodie!
Jenny's seldom dry!
She draigelt a' her petticotie, a
Comin' thro' the rye.

Gin a bodie meet a bodie,
Comin' frae the rye
Gin a bodie kiss a bodie,
Need a bodie cry?
O Jenny's a' weet, &c.

Gin a bodie meet a bodie,
Comin' thro' the glen,
Gin a bodie kiss a bodie,
Need the world ken ?
O Jenny's a' weet, &c.

Gin a bodie meet a bodie,
Comin' frae the well.
Gin a bodie meet a bodie,
Need a bodie tell ?
O Jenny's a' weet, &c
Gin a bodie meet a bodie,
Comin' frae the town,
Gin a bodie meet a bodie,
Need a bodie frown?
O Jenny's a' weet, &c.

Kissing is the key of love,
And clapping is the lock!
And making o's the best thing,
That e'er a young thing got.
Jenny's a' weet, &c.

Ilka bodie has a bodie,
Ne'er a ane ha'e l!
What ails the laddies at me,
That I am sae past by?
O Jenny's a weet, &c.

FINIS.


This work was published before January 1, 1929, and is in the public domain worldwide because the author died at least 100 years ago.

Public domainPublic domainfalsefalse