Page:Archaeological Journal, Volume 9.djvu/114

This page needs to be proofread.

72 ORIGIXAL DOCUMENTS. Derechef chescune carecte hors de franchise veuant en la vile ove saumun doit al rois de custume 1111° deners, mes ke ele ne porte fors un sul saumun. E summe de cliival, mes ke il ne porte fors un sul, 11 deners. E sus dos de home un deuer. Derechef chescun cent de lampruns venant en la vile doit cine lampruns de custume as baillifs de la vile a lur propres us, e nule autre custume. Derechef chescun vendor de harang en quarame' a detail doit al rois de custume vi d', e as baillifs un picher de vin de quele franchise ke ele unkes soit. Derechef li usage des macecrens est tel ke chescun macecren hors de franchise ke tient estal doit al rois de custume xxv deners per an. Derechef tuz ceus ki sunt hors de franchise ke achatent aumailles*, berbiz, v pores, e revendent senz tuer, deivent al rois v d' par an de la custume de parrocs, e al clerc de la vile un dener pour son nun enrouller mes ke il ne le face fors de une sule beste. E tuz les marchans de aumailles, berbiz, v pores ke sunt hors de franchise e hantunt la vile mes ke il ne viengent fors une sule feiz per an si deivent memes la custume. E deivent aster^ les bestes de hors la porte de West de Wincestre al lew des parrocs de la feste de seint Michel dreks la feste seint Nicolas del matin del jur dreks haute terce, e apres terce al Menstre stret. E ilec par tut li an forspris li terme e la ure avandiz. Derechef chescun pestur de la vile ki fet pain a vendre doit al rois de custume 11 soz par an e al clerc de la vile un d', e deivent fere blanc pain e bien quit' sulump la vende del ble e solump la asise de la marchaucie li rois, ce est a savoir ke si li pain de ferthing est en defaute de rien utre duze deners li pestur est en la merci. E si pur chescune defaute dedenz la summe de trois soz sulump la quantite de trespas. E quant li pain de ferthing est en defaute de rien utre trois soz le pestur porte le juwise" de la vile. Derechef chescune venderesse de pain en la grant rue de Wincestre ke est hors de franchise doit al rois de custume par an 11 soz. e al clerc de la vile I d', si il vendent par an. Esi ele vendent meins sulump la quantite. E as horbes rues vi d' v trois deners sulump ce ke sanz mainuure^ est. E fet a savoir ke nule de eles ne doit quere pain fors la v les corbailles esterrunt sus peine de la merci del vendur e del akatur avant la hure de nune. E ke nule de eles ne querge pain de nul pestur dunt ele ne pusse avoir sun garent. E si ele le fet, ke ele mesmes le garentisse. E ke chescun pestur eit sun sel cunu sur sun pain ke il ne le pusse dedire si il soit ateint autre ke bon. Derechef chescun braceresse del poier de la vile ke brace a vente face cerveise bone sulump la vente del ble e sulump la asise donee, e si autrement le funt soient a la merci li rois tante feiz cume baillifs les pourunt ateindre. Derechef nule braceresse hors de franchise ne pust bracer de denz le poier de la cite a vente si ele ne face gre as baillifs sulump la quantite deson fet. Derechef nul home hors de franchise de quel mester ke il soit ne pust sende tenir, vendre ne akater de denz le poier de la vile senz gre fesant as bailUfs de la vile. Derechef chescun carette vendue en la vile a home hors de franchise doit al rois de custume une maalle. carc-me. • cuit.

  • Animals, or neat cattle. - Judgment ; — ^judicium.

» Ester? son manoeuvre >