¶And when ſhe waxith nygh feꝛme yeue hiꝛ hennys and fatt poꝛke and of an hounde is paſſing good.
¶An hawke is neueꝛ full feꝛme noꝛ redy foꝛto drawe owte of mew vnto tyme hiꝛ ſeꝛcell be full gꝛoyn. yet haue I ſene sū folkys take hem owte of mewe when the ſaꝛcell were bot halfe iſpronge. and that is paꝛlous. foꝛ they are not then haꝛde penned.
¶Som folkys vſen when an hawke has caſt hiꝛ ſaꝛcell to begynne and waſh hiꝛ meete. and fede hiꝛ ſo in mew with waſh meete a monyth oꝛ .vi. weekys oꝛ eueꝛ thay drawe thaym.
¶Bot of all fleſhes afteꝛ ſhe is mewed. a reſenable gooꝛge of an hoote haare is beeſt. and alſo of a crowe hoote. bot it moſte be waſh in wateꝛ: and then it is the betteꝛ. Foꝛ that will not benymmen hem haſtely theyꝛ grece. neꝛ put hem in no grete febulnes· foꝛ it durith ſumwhat with hir.
¶To make an hawke to mew tymeli with owt any hurtyng of hir.
Now I ſhall tell yow veꝛray true medecynes foꝛ to mewe an hawke haſtyly that ye ſhall beleue foꝛ trowthe and ye will aſſay theym.
¶Theꝛ be in woddys oꝛ in hedgis woꝛmys calde eddeꝛs that ben Redde of nature· and he is calde vepa. and alſo theꝛ be ſnakys of theſſame kynde. and they be veꝛri bitteꝛ. Take .ij. oꝛ .iij of theym and ſmyte of theꝛ hedes and thendys of theyꝛ taylis. Then take a new eꝛthen pot: that was neueꝛ vſed. and cut hem
