15
DE NATIUITATE.
Jhesu fili virginis
miserere nobis.
Jhesu of a mayde yu woldest be born,
to saue man kynde that was for lorne,
and all for owr synnes:
miserere nobis.
Angelis ther were, mylde of mode,
song to yt swete fode
Wt ioye and blisse:
miserere nobis.
In a cratche was yt chyde layde,
bothe oxe & asse wt hym playde,
wt ioye & blisse:
miserere nobis.
Then for vꝰ he shadde his blode,
& allso he dyedde on ye rode,
and for vꝰ y wysse:
miserere nobis.
And then to helle he toke the way
to raunson h͏̃m yt ther lay,
wt ioy & blisse:
miserere nobis.
