16
IN DIE NATIVITATIS.
Nowell, nowell, nowell, nowell,
Tydyngꝯ gode y thyngke to telle.
The borys hede that we bryng here
Be tokeneth a pꝛnce with owte pere,
Ys born' this day to bye vꝰ dere,
Nowell.
A bore ys a souerayn beste,
And acceptable in euꝛy feste,
So mote thys lord be to moste & leste,
Nowell.
This borys hede we bryng wt song
In worchyp of hym that thus sprang
Of a virgyne to redresse all wrong,
Nowell.
