Ay; and she would hae been smoored a'thegither, gin she had na claught haud of the witch's arm, and squeezed it sae hard that the witch ran awa', and left a piece o' her gown sleeve in the young leddy's han'.
ANDERSON.
It was Grizeld Bane or Mary Macmurren, I'll be bound for 't.
BAWLDY.
Wha it was she could na say, for she could na see i' the dark.
ANDERSON.
But the piece of the gown sleeve will reveal it. Show me that, and I'll ken wha it was, to a certainty. I ken ilka gown and garment belanging to them.
BAWLDY.
So does Nurse, too: but the young leddy took a fit, as the roodies left the chaumer, and she has lost the clout.
ANDERSON.
That was a pity. The chamber maun be searched for it carefully, else they'll come again, and wi' some cantrup or ither, join it into the sleeve it was riven frae, as if it ne'er had been riven at a'. But gang to thy crowdy, man, and dinna tine a meal for a marvel. Thou hast nae busi-
