ecclesie collegialis Sancti Antolini de Medina Campi,[1] et reverendi in Christo patris et domini, Domini Belnardini Gutterez, prothonotarii apostolici et abbatis dicte ville Medine, provisor offitialis et vicarius generalis in tem poralibus et spiritualibus, salutem in Domino et presentibus fidem indubiam adhibere placeat. Noveritis quod nos, ad spectabilis viri Domini Didaci Sal meron, in jure civili bachalarii, licterarum apostolicarum aliorumque jurium et instrumentorum Serenissime Domine nostre domine Joanne, divina favente clementia Castelle, Legionis, et Granate regnorum, etc. regine Catholice ad suumque regium patrimonium statum, jurisdictionem, facultates, et pre heminentias concernentium custodis petitionis instantiam et requisitionem, vidimus et diligenter inspeximus quasdam licteras apostolicas felicis recorda tionis domini, Domini Alexandri Pape Sexti, in forma ejus vere bulle sigilli plumbei in cordula sirici rubei croceique coloris, more Romane curie, pendentis bullatas, im pergameno et lingua Latina scriptas, coram nobis in juditio per eumdem dominum, bachalarium Didacum Salmeron, in sua originali forma productas et presentatas. Et quia per hujusmodi visionem et inspectionem prefatas litteras apostolicas sanas, integras, et illesas, omnique prorsus vitio et suspitione carere, ut apparebat, reperimus. Ideo, eas, ad prefati domini bachalarii, Didaci Salmeron, ulteriorem instantiam, per notarium publicum infrascriptum, transumi et exemplari ac in hujusmodi transumpti publici formam redegi fecimus et mandavimus, volentes, et ordinaria auctoritate qua fungimur decernentes, quod hujusmodi transumpto publico illa et eadem ac similis et tanta fides ubique locorum et terrarum ubi illud exhibitum fuerit et productum, tam in juditio quam extra, adhibeatur, que et qualis et quanta eisdem originalibus litteris apostolicis, unde presens transumptum sive ex emplar extractum fuit, adhiberetur, si in medium exhiberentur aut obsten derentur. Tenor veto licterarum apostolicarum predictarum de quibus supra fit mentio, sequitur et est hujusmodi:
Alexander episcopus, servus servorum Dei, carissimo in Christo filio Ferdinando regi et carissime in Christo filie Elisabeth, regine Castelle, Le gionis, Aragonum, et Granate, illustribus, salutem et apostolicam benedic tionem.
Eximie devotionis sinceritas et integra fides quibus nos et Romanam reveremini ecclesiam non indigne merentur ut illa vobis favorabiliter con cedamus per que sanctum et laudabile propositum vestrum et opus inceptum in querendis terris et insulis remotis ac incognitis in dies melius et facilius ad honorem Omnipotentis Dei et imperii Christiani propagationem ac fidei Catholice exaltationem prosequi valeatis. Hodie siquidem omnes et singulas terras firmas et insulas remotas et incognitas, versus partes occidentales et mare oceanum consistentes, per vos seu nuncios vestros, ad id propterea non sine magnis laboribus, periculis, et impensis destinatos, repertas et reperiendas imposterum, que sub actuali dominio temporali aliquorum dominorum Chris tianorum constitute non essent, cum omnibus illarum dominiis, civitatibus, castris, locis, villis, juribus, et[2] jurisdictionibus universis, vobis, heredibusque et successoribus vestris, Castelle et Legionis regibus, imperpetuum, motu proprio et ex certa scientia ac de apostolice potestatis plenitudine donavimus,
