15. Ic ēow sealde bȳsene þæt gē dōn swā ic ēow dyde.[1]
16. Sōþlice ic ēow secge, Nys sē ðēowa furðra þonne his hlāford; nē ǣrenddraca nys mǣrra þonne sē þe hyne sende.[2]
17. Gif gē þās þing witon, gē bēoð ēadige gif gē hig dōð.[3]
18. Ne secge ic be ēow eallon; ic wāt hwylce ic gecēas; ac þæt þæt hālige gewrit sȳ gefylled þe cwyþ, Sē þe ytt hlāf myd mē āhefþ hys hō ongēan mē.[4]
19. Nū ic ēow secge ǣr þām þe hyt gewurþe, þæt gē gelȳfon, þonne hyt geworden bið, þæt ic hit eom.[5]
20. Sōð ic ēow secge, Sē ðe underfehð þone þe ic sende underfēhð mē; sē þe underfehp mē underfehþ ðone ðe mē sende.[6]
21. Ðā sē Hǣlend þās þing sǣde, hē wæs gedrēfed on gāste, and cȳðde and cwæð, Sōð ic ēow secge þæt ēower ān mē belǣwð.[7]
22. Đā leorningcnihtas behēold hyra ǣlc ōðerne, and him twȳnode be hwām hē hit sǣde.[8]
- ↑ A, bysne.
- ↑ A, se hlaford (for his hlaford); A, ærendraca (the late hand prefixes se, above the line).
- ↑ Corp., B, C, witod, A, wyton.
- ↑ B, þæt þæt halige... cwyþ originally omitted, then entered on the margin, apparently by the same scribe; C, om. þe cwyþ; B, C, ongen.
- ↑ A, geweorðe.
- ↑ Corp., A, B, C, þæne (first time); Corp., B, C, þæne, A, þone (second time).
- ↑ C, cydde.
- ↑ A, heora; A, heom.
