15. Ne bidde ic þæt þū hī nyme of middanearde, ac þæt þū hī gehealde of yfele.[1]
16. Ne synt hī of middanearde, swā ic ne eom of middanearde.[2]
17. Gehālga hī [on] sōðfæstnysse; þīn sprǣc ys sōðfæstnyss.[3]
18. Swā þū mē sendest on middaneard, ic sende hī on middaneard.
19. And for hig ic hālgige mē sylfne, þæt hig sȳn ēac gehālgode on sōðfæstnysse.[4]
20. Witodlīce ne gebidde ic for hī āne, ac ēac for ðā þe gȳt sceolon gelȳfan þurh hyra word on mē;[5]
21. þæt ealle sȳn ān; swā þū Fæder eart on mē, and ic com on ðē, þæt hig sȳn ēac ān on unc; þæt middaneard gelȳfe þæt þū mē sendest.[6]
22. And ic sealde him þā beorhtnysse þe ðū mē sealdest; þæt hī sȳn ān, swā wyt sȳn ān.[7]
23. Ic eom on him, and þū eart on mē, þæt hī sȳn geendode on ān; þæt middaneard oncnāwe þæt þū mē sendest, and lufodest [hig, swā þū mē lufodest.][8]
- ↑ A, fram yfele.
- ↑ A, synd; B, C, neom (for ne eom).
- ↑ All MSS. Gehalga him soð- (A, hym; B, erasure of the last two strokes of m, leaving hii, for him); A, C, soðfæstnys.
- ↑ A, halgie; B, C, ec.
- ↑ B, C, ec; A, heora.
- ↑ B, C, iert (for eart); A, om. eom; B, C, ec.
- ↑ B, C, iert (for eart); A, om. eom; B, C, ec.
- ↑ B, C, senndest; Corpp., om. hig swa... lufodest (homoœteleuton), A, B, C, hig swa þu me lufodest.
