13. and lǣddon hine ǣrest tō Annan, sē wæs Caiphas swēor, and sē Caiphas wæs ðæs gēares bisceop.[1]
14. Witodlīce Kaiphas dihte ðām Iudeon and cwæð þæt hyt wǣre betere þæt ān man swulte for folc.[2]
15. Simon Petrus fylide þām Hǣlende, and ōðer leorningcniht. Sē ōðer leorningcniht wæs ðām bisceope cūð, and hē ēode inn mid þām Hǣlende on ðæs bisceopes cafertūn.[3]
16. Petrus stōd at ðǣre dura þǣr ūte. Þā ēode sē leorningcniht ūt þe wæs ðæs bisceopes cūða, and cwæð tō ðǣre dureþīnene, and lǣdde Petrum inn.[4]
17. Đā cwæð sēo duruðīnen tō Petre, Cwyst ðū eart ðū of ðyses leorningcnihtum? Đā cwæð hē, Nicc, ne eom ic.
18. Đā þēowas and ðā þegnas stōdon at ðām glēdon and wyrmdon hig, for þām hit was ceald; witodlīce Petrus stōd mid him and wyrmde hyne.
19. Sē bisceop āxode þone Hǣlend embe his leorningcnihtas, and embe his lāre.[5]
20. Đā andswarode sē Hǣlend and cwæð, Ic
- ↑ B, C, kaiphas (second time); A, eares, B, C, geres.
- ↑ A, caiphas; A, iudeum; A, betere wære (changed order); B, C, mann; A, folce.
- ↑ A, fyligde; B, C, hælynde; A, and an oðer (an in later hand above the line); A, in; B, C, myd þam hælend; Corp., B, C, cauertun, A, cafertun.
- ↑ A, duraþynene; A, yn.
- ↑ A, acsode; B, C, þæne, A, ymbe (twice).
